Uşaq nə qədər tez Montessori ilə tanış olarsa, onun üçün metod üzrə sonrakı təhsil prosesi bir o qədər səmərəli keçir. 1,5 yaşdan uşaqlar Toddler qrupuna (3 yaşa qədər) qəbul olunur. Casa qrupu isə 3–6 yaş arası uşaqlar üçündür.

Daimilik və rejim uşağa dəyişən şəraitə uyğunlaşmağa enerji sərf etmədən, bütün gücünü inkişafına yönəltmək imkanı verir.

Bununla əlaqədar uşaqlar həftədə 3 və ya 5 gün təhsil alırlar. Toddler qrupu – gündə 2 saat, Casa qrupu – gündə 3 saat davam edir. Daimilik və rejim uşağın inkişafına kömək edir.

Montessori sinfi – uşaqların icmasıdır. Biz əyləncə mərkəzi deyil, tədris və tərbiyə qrupuyuq.
İlk iki həftə uşağın adaptasiya dövrü olur və bu proses hər bir uşaqda fərdi şəkildə keçir. Pedaqoq və assistent uşağın mümkün qədər tez və yumşaq şəkildə bizə öyrəşməsi üçün hər şeyi edirlər. Lakin hər bir uşaq bu yolu özünəməxsus keçir. Bir dərs kifayət etmir ki, həm uşaq, həm də valideyn hara və nə üçün gəldiyini tam anlaya bilsin. Buna görə də bizdə “ilk” və ya “sınaq dərsi” nəzərdə tutulmur.

İlk 2–3 həftə uşağın yeni mühitə, yeni böyüklərə və yeni qaydalara alışma dövrüdür. 1,5–3 yaş qrupunda valideyn adaptasiya müddətində bəzən iştirak edə bilər.
Amma 3–6 yaş qrupu üçün valideynlərin iştirak etməsi nəzərdə tutulmur.

Montessori mühitinin məqsədi – uşaqların özlərini ev sahibi kimi hiss etdikləri bir şərait yaratmaqdır. Buradakı hər şey onların ölçülərinə uyğunlaşdırılıb, materiallar uşaqların istifadəsi üçün hazırlanıb. Bu, uşaqların özlərinə güvənməyi və müstəqil olmağı öyrəndikləri yerdir.
Doğulduğu andan etibarən valideyn uşağın asılı olduğu insanları simvolizə edir. Çox vaxt uşaqlar valideynlərin varlığını asılılıqla əlaqələndirirlər. Montessori sinfi isə uşaqda “Mən çox şeyi özüm bacarıram” düşüncəsi ilə assosiasiya olunur.

Bizim müəssisə uşaq bağçası deyil, buna görə də yuxu və ya gəzinti nəzərdə tutulmayıb. Uşaqlara çay süfrəsi təklif olunur, bunun əsas məqsədi – masada düzgün davranış vərdişləri, qidalanma mədəniyyəti və minimal masa etiketini aşılamaqdır.

Bizə yalnız uşağın doğum şəhadətnaməsi və valideynlərin və ya yaxın qohumların əlaqə məlumatları lazımdır.

Biz uşaqlar üçün endirim etmirik, mövsümi endirimlər və ya aksiyalar keçirmirik. Lakin bir ailədən iki uşaq gəlirsə, simvolik endirim tətbiq olunur – hər iki uşaq üçün birlikdə 50 manat.

3 yaşa qədər qruplarda 12 uşaqdan artıq olmur, bu say üçün 4 böyük nəfər ayrılır – bir pedaqoq və üç köməkçi.
Bizdə hər uşağa fərdi yanaşma mövcuddur, lakin eyni zamanda uşaq öz qayda və qanunları olan kiçik bir cəmiyyətin içində olur.

3-6 yaş arası qruplarda uşaq sayı 15-dən 20-yə qədər dəyişir. Məkan bunu imkan verir və məhz bu say uşağın uğurlu sosiallaşması və ünsiyyət bacarıqlarının formalaşması üçün vacib hesab olunur.

Əslində kaprizli uşaq anlayışı yoxdur. Uşaq var və onun təbii, instinktiv ehtiyacları ödənilmədikdə, o, bunu etiraz və ya aqressiya ilə ifadə edir.
Biz bu cür hallarla asanlıqla başa çıxırıq, çünki bizdə uşağın bütün intellektual maraqlarına cavab verə biləcək kifayət qədər material və oyunlar var.
Məmnun uşaq – sağlam psixikanın əsas göstəricisidir

Montessori qrupuna getməyin nəticəsinin görünməməsinin bir neçə səbəbi ola bilər..

Birinci səbəb: Hələ ki, 2-3 həftəlik adaptasiya dövrü keçməyib. Bu dövr uşaq üçün qrup, digər uşaqlar, böyüklər, materiallar və qaydalarla tanışlıq mərhələsidir. Bu mərhələdə nəticə gözləmək mənasızdır..

İkinci səbəb: Adaptasiyadan sonra ilk 2-3 ay ərzində uşaq əsasən “praktiki həyat vərdişləri” zonasında çalışır. Bu dövrdə əldə olunan nəticələr, əsasən, uşağın nizamlanması ilə bağlı olacaq: məsələn, əşyaları yerinə qoymaq, qab-qacağı krandan sonra yumaq, geyiminə və ayaqqabısına nəzarət etmək, gülləri sulamağa başlamaq və sadə mətbəx işləri ilə maraqlanmaq.
Lakin bütün bunlar yalnız bir şərtlə mümkün olacaq: əgər valideyn evdə də uşağa uyğun mühit yaradır və onun fəaliyyətinə şərait yaradırsa. Bu nə deməkdir? Valideyn müdaxilə etmir, səhvləri düzəltməyə çalışmır, sadəcə yönləndirir və müşahidə edir.

Üçüncü səbəb: Əgər uşaq Montessori mərkəzində bir yanaşma, bir qayda, özünə və ətraf mühitə qarşı müəyyən münasibət görürsə, amma evdə və ya yaxın ətrafında bunun tam əksi baş verirsə, onda uşaqda “ikili standartlar” formalaşır. Belə olan halda uşaq mərkəzdə nəticə göstərə bilər, amma evdə və başqa mühitlərdə bunu nümayiş etdirməyə bilər. Çünki evdə onun üçün uyğun, sadə və əsas ehtiyaclarını qarşılayan bir mühit yoxdur və valideynlər onun inkişaf ehtiyaclarını başa düşmür və bu yolda ona dəstək olmurlar.